Isa 8 | Ndebele | STEP | IN kosi yasisithi kimi: Zithathele isibhebhe esikhulu , ubhale kiso ngepheni yomuntu ukuthi : Maherishalali-Hashibazi.

1 INkosi yasisithi kimi: Zithathele isibhebhe esikhulu ^a, ubhale kiso ^b ngepheni yomuntu ^c ukuthi: Maherishalali-Hashibazi. 2 Ngasengizifakazisela abafakazi abathembekileyo, oUriya umpristi ^d loZekhariya ^e indodana kaJeberekiya. 3 Ngasengisondela kumprofethikazi, wasethatha isisu, wazala indodana. INkosi yasisithi kimi: Umuthe ibizo lokuthi uMaherishalali-Hashibazi. 4 Ngoba umntwana engakakwazi ukumemeza ^f athi baba, lokuthi, mama, inotho ^g yeDamaseko ^h lempango yeSamariya ⁱ kuzathwalelwa phambi kwenkosi yeAsiriya.

5 INkosi yasibuya yakhuluma lami futhi isithi: 6 Ngenxa yokuthi lesisizwe siwalile amanzi eShilowa ^j ahamba kancinyane, njalo kulentokozo kuRezini lendodana kaRemaliya ^k, 7 ngakho-ke, khangela, iNkosi izakwenyusela phezu kwabo amanzi ^l omfula amanengi lalamandla, inkosi yeAsiriya ^m labo bonke ubukhosi bayo; azakwenyukela phezu kwaso yonke imigelo yaso, ahambe phezu kwazo zonke inkumbi zaso, 8 aze adlulele koJuda; akhukhule ^{n
,} ^o, adlule ^p, afinyelele entanyeni ^q; lokweluleka ^r kwempiko zawo ^s kuzagcwalisa ilizwe lakho ^t, Emanuweli ^u.

9 Zihlanganiseni ^v, zizwe, kodwa liphahlazwe ^w; bekani indlebe, lina lonke abezizwe ezikhatshana; zibhinceni, kodwa liphahlazwe; zibhinceni, kodwa liphahlazwe. 10 Cebani icebo ^x, kodwa lizafojiswa ^y; khulumani ilizwi, kodwa kaliyikuma ^z; ngoba uNkulunkulu ulathi ^{aa
,} ^ab.

YiNkosi efanele ukwesatshwa

11 Ngoba yatsho njalo iNkosi kimi ngesandla esilamandla, yangifundisa ukuthi ngingahambi endleleni yalababantu, isithi: 12 Lingatsho ukuthi: Ugobe ^ac, kukho konke lababantu abathi ngakho: Ugobe ^ad; lingesabi ukwesaba kwabo ^ae, lingatshaywa luvalo. 13 INkosi yamabandla, yona lizayingcwelisa ^af, njalo yona ibe yikwesaba kwenu ^ag, njalo yona ibe luvalo lwenu. 14 Njalo izakuba yindawo engcwele ^ah, kodwa ibe yilitshe lokukhubekisa ^ai, ibe lidwala lokuwisa kuzo zombili izindlu zakoIsrayeli, ibe ngumjibila ^aj ibe yisifu ^ak kwabakhileyo eJerusalema. 15 Labanengi bazakhubeka phakathi kwabo, bawe ^al, bephuke, bathiywe, bathunjwe. 16 Bopha ubufakazi, unameke umlayo ^am phakathi kwabafundi bami ^an. 17 Ngakho ngizalindela iNkosi ^ao efihlela indlu kaJakobe ubuso bayo ^ap, ngiyidinge ^aq. 18 Khangela ^ar mina labantwana ^as iNkosi enginike bona siyizibonakaliso ^at lezimangaliso ^au koIsrayeli, ezivela eNkosini yamabandla ehlala entabeni yeZiyoni.

19 Lalapho bezakuthi kini: Buzani kwabalamadlozi ^av, lakubathakathi ^aw abatshaya imilozwi ^ax labanyenyezayo ^ay: abantu kabayikubuza yini kuNkulunkulu wabo? ^az Abantu babuze yini bemele abaphilayo kwabafileyo? ^ba 20 Kuwo umthetho lakubo ubufakazi! ^bb Uba bengakhulumi njengalelilizwi ^bc, kungokuthi kakukho ukusa kubo ^bd. 21 Bazadabula kukho, becindezelwe kakhulu belambile ^be; kuzakuthi-ke belambile bezondile, bathuke ^bf inkosi yabo loNkulunkulu wabo, bakhangele phezulu. 22 Njalo bazakhangela emhlabeni ^bg, khangela-ke, kuzakuba lokuhlupheka lomnyama ^bh, ubumnyama ^bi benkathazo ^bj, njalo axotshelwe emnyameni.